Just Dial Kya Hai | Justdial Me Business Register Kaise Kare

Just Dial Kya Hai: Dosto chahe aap ek businessman hai ya non businessman aapne justdial ka nam isse pehle jarur suna hoga to just dial kya hai? Agar aap ek non businessman hai to aap justdial ka use kisi business ya jankaari ko search karne ke liye karte honge. But agar aap ek businessman hai to aap just dial me apna business register kar chuke honge. Aur nhi kiya hai to aaj janenge justdial me apna business register kaise kare or just dial kya hai?

Agar abhi tak apne just dial me apna business register nhi kiya hai to app yeh jarur janna chahte honge ki justdial me apna business register kaise kare. Aaj ham is post me janenge justdial kya hai, justdial me free me apne business ko register kaise karte hai or yeh bhi janenge ki justdial me paid registration kaise karte hai.

Just Dial Kya Hai
Just Dial Kya Hai

Just Dial Kya Hai: Justdial Indian-based local search engine hai jaha apko har city ka or har tarha ke vendor or business ki jankari (Address or phone number) aasani se mil jati hai. Kisi bhi jankari ko prapt karne ke liye hame justdial.com par jakar search karna hota hai ya ham directly justdial contact number 8888888888 par call karke bhi apni requirements bata sakte hai.

Jaise ki man lete hai aap Delhi ke Moti Nagar me rehte hai or apka furniture kharab ho gaya hai or use repair karana chahte hai. Lekin aap apne aspass kisi bhi carpenter ko nhi jante. Yese me aap justdial par jakar search kar sakte hai.

iske alava just dial ke contact number 10 times 8 par call karke unse pata kar sakte hai ki apke area me best carpenter kon hai. Just dial ke customer support executive apke mobile number par apke area ke sabhi carpenters ki list unke contact number ke sath sms ke through bhej denge. Ummid hai ki apko yeh clear ho gaya hoga ki just dial kya hai to ab iske income ki bat kar lete hai.

Just Dial Kaise Income Karti Hai – How Justdial Makes Money In Hindi

Justdial ek Successful startup raha hai. Agar ham bat kare income ki to march 2018 me justdial ka income ₹847.61 crore raha hai. Lekin itne paise justdial kaise income kar raha hai chaliye dekhte hai.

Top Ranking Ke Liye Charges

Companies justdial ko paise deti hai apne business ko justdial me register karne ke liye. Yeh amount inke alag alag package ke hisab se different hota hai jo ki 12000 se lekar 5 lakh tak 1 saal ke liye hota hai. Jitna jyada paise aap just dial ko denge apke business ki visibility utna hi behatar rahega.

Consumer/Merchant Database Sell

Just dial apne consumer or merchant database dusre highly demanding companies ko sell karke bahut income karta hai. Jo ki 10000 entries Rs.100000 – 250000 tak sell hote hai.

Website And App Development

Just dial ke pass bahut bada vendors or business ki list hone ki wajah se inke pass kayi small business ke liye website or app banane ki demands ate rehte hai. Small aur medium business ke liye app or website banakar bhi justdial bahut accha income kar leti hai.

Affiliate Marketing Se Income

Affiliate marketing ke bare aap sabhi ko jarur pata hoga. Affiliate marketing bhi ek just dial ka main source of income ho sakta hai. Jaise ki Oyo rooms ka agar koi bhi room just dial se book hota hai to justdial ko oyo rooms se kuch commission mil jata hai. Yese hi bahut sare companies hai jinse justdial accha khasa income kar leta hai.

Iske alava justdial ka or bhi income source ho sakte hai lekin inka main source of income hai free listling ko paid listing me convert karna.

Just Dial Kya Hai – Justdial Me Apna Business Register Kaise Kare?

Just dial me aap 2 tarike se apne business ko register kar sakte hai. In dono tarah ke registration me kya difference hai ham yeh bhi janenge. Justdial me apna business register karne ke wo 2 tarike hai

  1. Free Registration
  2. Paid Registration

Paid Registration: justdial ka paid registration ki bat kare to hamne upar discuss kiya tha ki top ranking me position dene ke liye justdial companies se charge karta hai. Inke charges alag alag package ke hisab se Rs.12000-5 lakh tak ho sakta hai. To chaliye dekhte hai justdial packages kon konse provide karta hai.

Diamond Package

Justdial ka diamond plan sabse mehenga plan hai or just dial dusre company se badi amount leti hai unke business ko justdial par register karne ke liye. Kisi bhi business category ke andar sirf ek organisation ko diamond package diya jata hai.

Agar ap justdial ka yeh plan lete hai to justdial apke business ko top position me dikhayega. Yani koi agar apke business category ya apke business se related kuch bhi search karega to apke business ka details sabse upar dikhaya jayega.

Gold Package

Justdial me diamond package ke bad ata hai gold package. Kisi bhi business ke field me 10-20 business organisation ko yeh package diya jata hai. Inka search position diamond ke bad hota hai.

Silver Package

Gold package ke bad ata hai silver package. Gold package ki tarha hi yeh package bhi 10-20 business ko diya jata hai or inka search position gold se niche hota hai.

Agar aap apne business ko justdial me register karna chahte hai to justdial contact number 10 times 8 par call kar sakte hai. Sabhi paid packages ke charges alag alag city me or alag alag business ke hisab se different ho sakta hai. justdial me apna business register krne me kitna charge lagta hai yeh justdial ke executive hi bata sakte hai.

Free Registration

Justdial ke free registration me apko koi bhi charges nhi pay karne hai aap free me apna business register kar sakte hai. Isme apna contact details sirf un hi logo ko dikhaya jayega jo apke business ya brand name se search karega.

Justdial me apne business ko free me register karne ke liye aap is link ko visit kar sakte hai Justdial Free Registration. ya justdial contact number 8888888888 pe call kar sakte hai.

Also Read:

Yeh tha Justdial se judi apke liye kuch kam ki baten or aap jan chuke honge ki just dial kya hai. Agar justdial ke bare me koi bhi sawal ya sujhab ho to niche comment karke bataye. Or agar aap pehle se hi just dial use kar rahe hai to apna experience hame bataye.

Agar apko yeh post Just dial kya hai or justdial me apna business register kaise kare accha laga or apko isse koi fayda hua ho to apne dosto ke sath bhi share karo. Or business se judi or bhi jankari pane ke liye hamare facebook page ko like karke hamare sath jude raho.

2 COMMENTS

LEAVE A REPLY

Please enter your comment!
Please enter your name here